काठमाडौं । फिफा विश्वकप २०२६ अन्तर्गत क्वार्टरफाइनलमा फ्रान्सले मोरक्कोलाई २–० ले पराजित गर्दै सेमिफाइनलमा स्थान सुरक्षित गरेको छ।

शुक्रबार बिहान सम्पन्न खेलमा फ्रान्सलाई जित दिलाउन स्टार फरवार्ड केलियन एम्बाप्पे र ओसमान डेम्बेलेले एक–एक गोल गरे।खेलको दोस्रो हाफको ६०औँ मिनेटमा डिजायर डोउको पासमा एम्बाप्पेले पेनाल्टी क्षेत्रको किनारबाट आकर्षक प्रहार गर्दै फ्रान्सलाई १–० को अग्रता दिलाएका थिए।त्यसको मात्र ६ मिनेटपछि अर्थात् ६६औँ मिनेटमा एम्बाप्पेकै पासमा डेम्बेलेले दोस्रो गोल गर्दै फ्रान्सको जित सुनिश्चित गरे।

यस जितसँगै फ्रान्स लगातार तेस्रो पटक फिफा विश्वकपको सेमिफाइनलमा पुग्न सफल भएको छ। अब फ्रान्सले फाइनल प्रवेशका लागि सेमिफाइनलमा अर्को शक्तिशाली प्रतिद्वन्द्वीको सामना गर्नेछ।