काठमाडौं । विनाशकारी बाढीबाट प्रभावित भई अलपत्र परेका नागरिकलाई आवतजावतमा सहयोग पु¥याउने उद्देश्यले काठमाडौं महानगरपालिकाले निःशुल्क यातायात सेवा सञ्चालनका लागि दुईवटा सवारीसाधन नुवाकोटतर्फ परिचालन गरेको छ ।

महानगरपालिकाका अनुसार आज बिहान ६ बजे दुईवटा सवारीसाधनमा महानगर प्रहरीसहितको टोली नुवाकोटतर्फ प्रस्थान गरेको हो ।

बाढी तथा प्राकृतिक विपद्का कारण प्रभावित क्षेत्रमा अलपत्र परेका नागरिकलाई आवश्यक सहयोग तथा सुरक्षित स्थानान्तरणमा सहजीकरण गर्ने उद्देश्यले टोली परिचालन गरिएको महानगरपालिकाले जनाएको छ ।

महानगरले विपद्का कारण समस्यामा परेका नागरिकलाई सुरक्षित स्थानमा पुग्न सहयोग गर्ने तथा आवश्यकताअनुसार निःशुल्क यातायात सेवा उपलब्ध गराउने जनाएको छ ।