काठमाडौँ, । आज विश्व टेलिभिजन दिवस विभिन्न कार्यक्रम गरी मनाइँदैछ। हरेक वर्ष नोभेम्बर २१...

पुरा पढ्नुहाेस्

Park Safari Resort

भगवान् श्रीकृष्ण‘श्रीकृष्ण जन्माष्टमी’ पर्व आज देशभर मनाइँदै

भगवान् श्रीकृष्णको पूजाआराधना गरी जन्माष्टमी मनाइँदै, देशभरका कृष्ण मन्दिरमा भक्तजनको भीड

1.96K
shares

काठमाडौं । वैदिक सनातन धर्मावलम्बीले भगवान् श्रीकृष्णको पूजाआराधना गरी श्रीकृष्ण जन्माष्टमी पर्व आज देशभर श्रद्धा र भक्तिपूर्वक मनाउँदैछन् ।

भगवान् श्रीकृष्णको जन्मदिवसका रूपमा मनाइने जन्माष्टमीका अवसरमा देशभरका कृष्ण मन्दिरमा भक्तजनको भीड लाग्ने गरेको छ । भक्तजन बिहानैदेखि मन्दिरमा पुगेर पूजा, आराधना तथा दर्शन गर्ने गर्दछन् ।धार्मिक मान्यताअनुसार श्रीकृष्णको जन्म भाद्र कृष्ण अष्टमीका दिन मथुरास्थित कारागारमा वासुदेव र देवकीका पुत्रका रूपमा भएको हो । कंसको अत्याचारबाट पीडित संसारलाई मुक्त गर्न भगवान् विष्णुको आठौँ अवतारका रूपमा श्रीकृष्णको जन्म भएको धार्मिक विश्वास छ ।

जन्माष्टमीलाई गोकुलाष्टमी, श्रीकृष्ण जयन्ती तथा श्री जयन्तीलगायत नामले पनि चिनिन्छ । यस अवसरमा विशेषगरी कृष्ण मन्दिरमा भजन कीर्तन, पूजा, आराधना तथा विभिन्न धार्मिक अनुष्ठान आयोजना गरिन्छ ।श्रीकृष्णलाई गोविन्द, कान्हा, कन्हैया, मुरलीमनोहर, श्यामसुन्दर र माखनचोरलगायत विभिन्न नामले पुकारिन्छ । श्रीकृष्णले महाभारतमा अर्जुनलाई दिएको उपदेश तथा भगवद्गीतामार्फत कर्म, धर्म र कर्तव्यको सन्देश दिएको धार्मिक विश्वास छ ।

जन्माष्टमीका अवसरमा नेपालका विभिन्न स्थानमा रहेका कृष्ण मन्दिरमा विशेष पूजा तथा धार्मिक कार्यक्रम आयोजना गरिन्छन् । पाटनस्थित प्रसिद्ध कृष्ण मन्दिरमा पनि जन्माष्टमीका अवसरमा विशेष पूजा तथा दर्शनका लागि भक्तजनको उल्लेख्य उपस्थिति रहने गरेको छ ।भगवान् श्रीकृष्णको जन्मोत्सवका रूपमा मनाइने यस पर्वमा भक्तजनले व्रत बस्ने, राति भगवान् श्रीकृष्णको जन्मोत्सव मनाउने तथा भजन कीर्तन गर्ने परम्परा रहेको छ ।