आजको राशिफलः बि.स. २०८३ भदौं १९ गते शुक्रबार, ई.सं २०२६ सेप्टेम्बर ०४, ऋतुः बर्षा, अयानः दक्षिणायन, नेपाल सम्बत ११४६, भाद्र कृष्ण पक्षको अष्टमी तिथी, नक्षत्रः रोहिणी, चन्द्रमा बृष राशीमा, सुर्य सिंह राशीमा, योगः हर्षण, करणः बालव । आज श्रीकृष्ण जन्मअष्टमी र गोरखकालीपूजा पनि । आज नेपालमा सूर्योदय बिहान ५ः४४ मिनेटमा र सूर्यास्त साँझ ०६ः२० मिनेटमा हुनेछ । आज, श्रीकृष्ण जन्मअष्टमीमा भगवान श्रीकृष्णको विशेष ब्रत, पूजा, दान, साधना गर्ने गरिन्छ । घरमा वा भगवानको मन्दिरमा गएर शुद्ध शरिर, मन र बिचारले भगवानको दर्शन गरेमा शुभ फल प्राप्त हुन्छ । आज भगवान्को सेवा गर्नाले तपाईलाई प्रेम, भक्ति, आत्मज्ञान र आध्यात्मीक चेतना प्राप्त हुने शास्त्रमा उल्लेख छ । 

मेष राशीः(चु, चे, चो, ला, लि, लु, ले, लो, अ) कामको प्राथमिकता आज आफैं छुट्याउन सक्नुहुनेछ। नयाँ जिम्मेवारीले अनुभव थप्नेछ। लामो समय खाली पेट नबस्नुहोस्। साँझ एकछिन बाहिर निस्कँदा मन हलुका हुनेछ। आजको शुभ रंग रातो हो भने शुभ अंक ९ रहेको छ।

वृष राशीः(इ, उ, ए, ओ, वा, वि, वु, वे, वो) घरायसी खर्चमा केही बचत निकाल्न सकिनेछ। व्यापारमा ग्राहकको चाहना बुझेर निर्णय गर्नुहोला। सिकाइमा रुचि जाग्नेछ। छिमेकीसँगको सामान्य भेट आत्मीय बन्न सक्छ। आजको शुभ रंग आकाशे हो भने शुभ अंक ६ रहेको छ।

मिथुन राशीः(का, कि, कु, घ, ङ, छ, के, को, हा) आज बोलिचालीभन्दा कामको परिणामले प्रभाव पार्नेछ। कारोबारमा सानो फाइदा हात लाग्न सक्छ। कम्प्युटर वा मोबाइलको काममा समय बच्नेछ। बाटोमा अचानक योजना बदलिन सक्छ। आजको शुभ रंग कागती हरियो हो भने शुभ अंक ३ रहेको छ।

कर्कट राशीः(हि, हु, हे, हो, डा, डि, डु, डे, डो) बिहानको समय व्यक्तिगत कामका लागि उपयोगी हुनेछ। खर्च गर्नुअघि आवश्यक कुरा छुट्याउनुहोस्। पढाइमा सम्झनुपर्ने विषय सजिलै बस्नेछ। घरमा पाहुनाको आगमन हुन सक्छ। आजको शुभ रंग सेतो हो भने शुभ अंक ७ रहेको छ।

सिंह राशीः(मा, मि, मु, मे, मो, टा, टि, टु, टे) व्यापारमा पुरानो तरिका छोडेर नयाँ उपाय सोच्न सकिन्छ। कार्यक्षेत्रमा तपाईंको निर्णय निर्णायक बन्नेछ। सामाजिक भेटघाट छोटो भए पनि उपयोगी हुनेछ। आफूलाई मन परेको कामका लागि समय मिलाउनुहोला। आजको शुभ रंग सुनौलो हो भने शुभ अंक २ रहेको छ।

कन्या राशीः(टो, पा, पि, पु, ष, ण, ठ, पे, पो) कागजपत्रको काममा स्पष्टता आउनेछ। नयाँ सीपभन्दा सिकेको कुरा प्रयोग गर्ने मौका मिल्नेछ। छोटो दूरीको यात्रा हुन सक्छ। पेटमा गडबडी नहोस् भनेर खानपान मिलाउनुहोस्। आजको शुभ रंग हल्का हरियो हो भने शुभ अंक ८ रहेको छ।

तुला राशीः(रा, रि, रु, रे, रो, ता, ति, तु, ते) कुनै पनि वस्तु किन्नुअघि दुई ठाउँको मूल्य बुझ्नु राम्रो हुन्छ। पढाइमा एक्लै बसेर तयारी गर्दा ध्यान राम्रो जानेछ। व्यक्तिगत सम्बन्धमा पुरानो विषय उठ्न सक्छ। मन शान्त राख्न संगीत सुन्न सक्नुहुन्छ। आजको शुभ रंग फिका गुलाबी हो भने शुभ अंक ५ रहेको छ।

वृश्चिक राशीः(तो, ना, नि, नु, ने, नो, या, यि, यु) पैसाको लेनदेनमा भरपर्दो माध्यम रोज्नुहोस्। सामाजिक विषयमा तपाईंको विचार खोजिन सक्छ। घरबाहिरको जिम्मेवारीले समय लिनेछ। बिहान व्यायाम गर्नेबानी उपयोगी हुन्छ। आजको शुभ रंग खैरो हो भने शुभ अंक १ रहेको छ।

धनु राशीः(ये, यो, भा, भि, भु, धा, फा, ढा, भे) टाढाको ठाउँबाट आएको जानकारी काम लाग्नेछ। अध्ययनमा व्यावहारिक विषयले आकर्षित गर्नेछ। यात्रामा समयभन्दा पहिले तयारी गर्नु राम्रो। पेटलाई धेरै भारी नबनाउनुहोस्। आजको शुभ रंग माटो रंग हो भने शुभ अंक ४ रहेको छ।

मकर राशीः(भो,जा,जि,जु,जे,जो,ख,खि,खु,खे,खो,गा,गि) खर्च घटाउने एउटा ठोस निर्णय लिन सक्नुहुन्छ। कार्यस्थलमा जिम्मेवारी बाँडिनेछ। व्यक्तिगत योजनामा अरूको दबाब नलिनुहोस्। राम्रो निद्राले भोलिको काम सहज बनाउनेछ। आजको शुभ रंग धुसर निलो हो भने शुभ अंक १ रहेको छ।

कुम्भ राशीः(गु, गे, गो, सा, सि, सु, से, सो, दा) प्रविधिको प्रयोगले आज एउटा झन्झट छोट्याउनेछ। सामाजिक सम्पर्क विस्तार हुनेछ। व्यक्तिगत रूपमा केही नयाँ प्रयास गर्न मन लाग्नेछ। बाहिरको खाना सकेसम्म ताजा रोज्नुहोस्। आजको शुभ रंग निलो हो भने शुभ अंक ६ रहेको छ।

मिन राशीः(दि, दु, थ, झ, ञ, दे, दो, चा, चि) अरूको अपेक्षाभन्दा आफ्नै आवश्यकतालाई पनि ठाउँ दिनुहोस्। काममा अनुभवी व्यक्तिसँग सल्लाह लिनुपर्ने हुन सक्छ। आर्थिक निर्णयमा भावनाभन्दा तथ्य हेर्नु ठीक हुन्छ। कुनै शान्त ठाउँमा केही समय बिताउँदा मन राम्रो हुनेछ। आजको शुभ रंग चाँदीजस्तो सेतो हो भने शुभ अंक ३ रहेको छ।