आजको पञ्चाङ्गः वि.सं.२०८३ साल भाद्र १७ गते । बुधबार । इस्वी सन् २०२६ सेप्टेम्बर २ तारिख । नेपाल संवत् ११४६ । रौद्र संवत्सर । दक्षिणायन । वर्षा ऋतु । श्रीशाके १९४८ । भाद्र कृष्णपक्ष । तिथि–षष्ठी, रातको ३ बजेर ४६ मिनेट उप्रान्त सप्तमी । नक्षत्र–भरुणी, रातको २ बजेर १३ मिनेट उप्रान्त कृतीका । योग–ध्रुव, बेलुकी १० बजेर ४३ मिनेट उप्रान्त व्याघात । करण–गर, बेलुकी ४ बजेर ४५ मिनेट उप्रान्त वणिज, रातको ३ बजेर ४६ मिनेट उप्रान्त भद्रा । आनन्दादिमा–काण योग । चन्द्रराशि–मेष । काठमाडौँमा सूर्योदय बिहान ५ बजेर ४३ मिनेट । सूर्यास्त बेलुकी ६ बजेर २२ मिनेट । दिनमान ३१ घडी ३८ पला ।

राशिफलः

मेष (चू,चे,चो,ला,लि,लू,ले,लो,अ) आज कामको गति आफ्नै हातमा रहनेछ। आम्दानीसँग जोडिएको एउटा राम्रो सम्भावना देखिन्छ। नयाँ जिम्मेवारी आए पनि सम्हाल्न सकिनेछ। मनलाई अनावश्यक दबाब नदिनुहोस्। आजको शुभ रंग सिन्दुरी हो भने शुभ अंक ७ रहेको छ।

वृष (ई,ऊ,ए,ओ,वा,वी,वू,वे,वो) किनमेलमा आज मन लागेको कुरा भेटिन सक्छ। व्यवसायमा सफलता मिल्नेछ। पढाइमा साथीको साथ उपयोगी होला। घरमा सामान्य कुराले खुसी ल्याउनेछ। आजको शुभ रंग हल्का नीलो हो भने शुभ अंक ३ रहेको छ।

मिथुन (का,की,कू,घ,ङ,छ,के,को,हा) छोटो यात्राको काम बन्न सक्छ। कार्यक्षेत्रमा नयाँ कुरा सिक्ने अवसर पाइएला। भेटघाटबाट नयाँ परिचय थपिनेछ। धेरै बेर स्क्रिनमा नबस्नुहोस्। आजको शुभ रंग हरियो हो भने शुभ अंक ९ रहेको छ।

कर्कट (ही,हू,हे,हो,डा,डी,डु,डे,डो) खर्च घटाउने उपाय भेटिनेछ। काममा अनुभवी व्यक्तिको सुझाव काम लाग्नेछ। पढाइमा एकाग्रता बढ्नेछ। खानपानमा समय मिलाउनुहोस्। आजको शुभ रंग सेतो हो भने शुभ अंक ५ रहेको छ।

सिंह(मा,मी,मू,मे,मो,टा,टी,टू,टे) व्यापारमा नयाँ सम्झौताको कुरा उठ्नेछ। सामाजिक रूपमा आफ्नो परिचय बढाउने मौका मिल्नेछ। व्यक्तिगत चाहनाका लागि केही समय निकाल्नुहोस्। आजको शुभ रंग कलेजी हो भने शुभ अंक ८ रहेको छ।

कन्या (टो,पा,पी,पू,ष,ण,ठ,पे,पो) पुरानो योजना फेरि उपयोगी बन्नेछ। आर्थिक हिसाबमा सन्तुलन आउनेछ। प्राविधिक विषय सिक्न मन लाग्नेछ। आफन्तसँग छोटो भेट हुन सक्छ। आजको शुभ रंग बैजनी हो भने शुभ अंक १ रहेको छ।

तुला (रा,री,रु,रे,रो,ता,ती,तू,ते) बाहिरी ठाउँसँग जोडिएको काम अघि बढ्नेछ। साझेदारीमा स्पष्ट कुरा गर्नु राम्रो हुनेछ। साथीभाइसँग रमाइलो समय बित्नेछ। मन हलुका राख्नुहोस्। आजको शुभ रंग गुलाबी हो भने शुभ अंक ७ रहेको छ।

वृश्चिक(तो,ना,नी,नू,ने,नो,या,यी,यू) आर्थिक कागजपत्र मिलाएर राख्नुहोस्। सामाजिक काममा कसैको साथ दिनुपर्ने हुन सक्छ। घरको एउटा निर्णयमा तपाईंको मत महत्त्वपूर्ण हुनेछ। बिहानको व्यायाम लाभदायक हुन्छ। आजको शुभ रंग कफी खैरो हो भने शुभ अंक ४ रहेको छ।

धनु (ये,यो,भा,भी,भू,ध,फा,ढा,भे) व्यवसायमा नयाँ बजारबारे जानकारी मिल्नेछ। कुनै नयाँ विषय पढ्ने इच्छा जाग्नेछ। यात्रामा समयको ख्याल गर्नुहोस्। पेटलाई हलुका राख्नु राम्रो। आजको शुभ रंग पहेलो हो भने शुभ अंक २ रहेको छ।

मकर (भो,जा,जी,जू,जे,जो,ख,खी,खू,खे,खो,गा,गी) जिम्मेवारीभन्दा परिणाममा ध्यान जानेछ। कामको मूल्यांकन राम्रो हुन सक्छ। घरमा आफ्नो समय दिनुपर्नेछ। निद्रा पूरा गर्नुहोस् साथै बाहिरको खानामा सावधानी अपनाउनुहोस्। आजको शुभ रंग सेतो हो भने शुभ अंक ९ रहेको छ।

कुम्भ (गू,गे,गो,सा,सी,सू,से,सो,दा) नयाँ डिजिटल माध्यमबाट काम सहज हुनेछ। आम्दानीको फरक बाटोबारे सोच आउला। कुनै सामाजिक भेटले नयाँ अवसर देखाउन सक्छ। व्यक्तिगत रूपमा आत्मविश्वास बढ्नेछ। आजको शुभ रंग समुद्री हरियो हो भने शुभ अंक ३ रहेको छ।

मीन (दी,दू,थ,झ,ञ,दे,दो,चा,ची) मनलाई शान्त राख्ने विषयतर्फ रुचि बढ्नेछ। काममा आफ्नो प्राथमिकता आफैं तय गर्नुहोस्। आर्थिक विषयमा भावनामा आएर निर्णय नगर्नुहोस्। आरामका लागि समय छुट्याउनु राम्रो हुन्छ। आजको शुभ रंग सुनौलो हो भने शुभ अंक ५ रहेको छ।