आजको पञ्चाङ्गः वि.सं. २०८२ मङ्सिर १० गते बुधवार तदनुसार ई. सं. २०२५ नोभेम्बर २६ तारिख, सिद्धार्थ नामक संवत्सर, सूर्य दक्षिणायन, हेमन्त ऋतु, कलिगत ५१२६, शाके १९४७, नेपाल सं. ११४६, किरातवर्ष ५०८५, मञ्जुश्री वर्ष २८६१, हिजरी सं. १४४७, मार्गशीर्ष शुक्लपक्ष (थिल्लाथ्व) षष्ठी तिथि, बेलुका ०७:३८ बजेसम्म, त्यसपछि सप्तमी तिथि, श्रवण नक्षत्र, बेलुका १०:१९ बजेसम्म, त्यसपछि धनिष्ठा नक्षत्र, चन्द्रमा मकर राशिमा (अहोरात्र व्याप्त), बृद्धि योग, दिउँसो १०:५४ बजेसम्म, त्यसपछि ध्रुव योग, सुरुमा कौलव करण बिहान ०७:३६ बजेसम्म, त्यसपछि तैतिल करण बेलुका ०७:३८ बजेसम्म, अन्तिममा गर करण, आनन्दादि योग : छत्र, चन्द्रवर्ण : कालो, चन्द्रदिशा : दक्षिण, योगिनीदिशा : पश्चिम (बेलुका ०७:३८ बजेसम्म), त्यसपछि वायव्य, वारशूल : उत्तर, वाणपञ्चकमध्ये मृत्यु वाण : बेलुका १०:३१ बजेसम्म त्यसपछि अग्नि वाण, कालराहु चक्रमा कालको दिशा : नैऋत्य र पाशको दिशा : ईशान, आज : मुहूर्त : अग्निवास (यज्ञ र हवनादि), शिववास (रुद्रीपूजा/रुद्राभिषेक) काठमाण्डौमा सूर्योदय : बिहान ०६:३४ बजे र सूर्यास्त : साँझ ०५:०७ बजे हुनेछ ।

✦राशिफल✦

♈ मेष (चु, चे, चो, ला, लि, लु, ले, लो, अ) रोकिएको काम सानो प्रयासमै अघि बढ्नेछ। केही काम सिनियर्सलाई सन्तुष्ट पार्न मात्र गर्नुपरे पनि समग्रमा दिन फलदायी रहनेछ। आफ्नो विचारलाई स्पष्ट र तर्कसहित प्रस्तुत गर्न सकेमा पार्टनरले लगातार साथ दिनेछ। कामको दबाब धेरै हुनेछ, तर प्रतिफल अपेक्षित जस्तो नआउँदा मन केही खिन्न बन्न सक्छ। भाग्यबल: ४०%,शुभ अंक: १, शुभ रङ : हरियो, दिशा: दक्षिण ।  काम वा यात्राको शुभ सुरुवातका लागि “ॐ बुं बुधाय नमः” ८ पटक जाप गर्नु लाभदायी हुनेछ।

♉ बृष (इ, उ, ए, ओ, बा, बि, बु, बे, बो) असम्भव आशामा भुलेर समय खर्च गर्दा उल्टै नोक्सानी हुनसक्छ। काठपात, रबर, प्लास्टिक तथा मर्मत सम्भारसम्बन्धी कार्यमा राम्रो लाभ देखिन्छ। धर्म, अध्यात्म तथा दार्शनिक चिन्तनप्रति आकर्षण बढ्नेछ। गुरु वा साथीहरूसँगको संवादबाट मन थप प्रफुल्ल बन्नेछ। भाग्यबल: ४०%, शुभ अंक: ९, शुभ रङ: नीलो/कालो, दिशा: पूर्व,यात्रा वा कठिन काम अघि बढाउन“ॐ शं शनैश्चराय नमः”२३ पटक जाप उत्तम।

♊ मिथुन (का, कि, कु, घ, ङ, छ, के, को, ह) आजको कमजोरी,आवेग र असन्तुलन। विशेषगरी सवारी चलाउँदा अत्यन्त सचेत रहनुहोस्। आफ्नो गल्ती नभए पनि अरुको त्रुटि कारण समस्या पर्न सक्छ। पुराना विषय पुनः सतहमा आउन सक्छन्। कुनै रमाइलो स्थानमा पुग्ने इच्छा जागे पनि परिस्थितिले रोक्न सक्छ।भाग्यबल: १०%, शुभ अंक: ८,शुभ रङ: रातो, दिशा: उत्तर। शुभ सुरुवातका लागि “ॐ ब्रां ब्रीं ब्रौं सः बुधाय नमः” ८ पटक जाप।

♋ कर्कट (हि, हु, हे, हो, डा, डि, डु, डे, डो) प्रेम वा नजिकका सम्बन्धमा हल्का अविश्वास जन्मिन सक्छ। आय आर्जन सामान्य छ, तर मन धेरै भावुक बन्न सक्छ। पारिवारिक यात्राको योजना बन्नसक्छ। छोराछोरी वा परिवारको पूर्ण समर्थन पाइनेछ। भाग्यबल: ६५%, शुभ अंक: ७, शुभ रङ: रातो, दिशा: पश्चिम शुभ सुरुवातका लागि “ॐ राधाकृष्णाभ्यां नमः” ११ पटक जाप।

♌ सिंह (मा, मि, मु, मे, मो, टा, टि, टु, टे) प्रतिस्पर्धा वा चुनौतिमा दृढ भएर अघि बढ्ने दिन। योजना स्पष्ट भए विजय सम्भावना बलियो। शत्रु वा प्रतिद्वन्द्वीको गतिविधिबारे सतर्क रहनु आवश्यक। रिस, हतार र अहंकारले समस्या बढाउन सक्छ। कानुनी वा प्रशासनिक पक्षमा ध्यान दिनु पर्ने समय। भाग्यबल: ५०%, शुभ अंक: ६ ,शुभ रङ: रातो, दिशा: दक्षिण। सफल यात्राका लागि “ॐ देवीद्यौराल्यै नमः” ११ पटक जाप।

♍ कन्या (टो, प, पि, पु, ष, ण, ठ, पे, पो) शिक्षा, लेखन, अनुसन्धान वा बौद्धिक कार्यमा उत्कृष्ट दिन। तपाईंको क्षमता अरूले सजिलै पहिचान गर्नेछन्। प्रतिस्पर्धी कमजोर भएका कारण तपाईं स्वाभाविक रूपमा अग्रस्थानमा रहन सक्नुहुन्छ। पार्टनरसँग मनको कुरा खुलस्त बाँड्न राम्रो समय। भाग्यबल: ५०%, शुभ अंक: ५, शुभ रङ: रातो/हरियो, दिशा: पूर्व । शुभका लागि “ॐ ऐं श्रीं श्रीं बुधाय नमः” ८ पटक जाप।

♎ तुला (र, रि, रु, रे, रो, ता, ति, तु, ते) कामको प्राथमिकता मिलाउन नसक्दा अलमल हुनसक्छ। आज निर्णय क्षमतामा कमजोरी देखिन सक्छ, त्यसैले अनुभवी व्यक्तिसँग सल्लाह लिँदै अघि बढ्नु उत्तम। दाम्पत्य र पारिवारिक वातावरण सुखद रहनेछ, तर बुजुर्ग सदस्यको भावना कदर गर्नुपर्छ। भाग्यबल: १५%, शुभ अंक: ४, शुभ रङ: सिम्रिक रातो, दिशा: उत्तर। आज “ॐ नमः भद्रकाल्यै” ९ पटक जाप गर्नु शुभ।

♏ बृश्चिक (तो, ना, नि, नु, ने, नो, या, यि, यु) सहयोगी वा मित्रको साथले अडिएको काम सुल्झनेछ। मनको कुरा सुन्ने कोही नजिकको व्यक्ति तपाईंप्रति झुकाव राखेको हुन सक्छ। आध्यात्मिक वा इच्छाअनुरूपको काममा समय दिन सकिए तनाव कम हुनेछ।भाग्यबल: ६०%, शुभ अंक: ३, शुभ रङ: हरियो, दिशा: पश्चिम शुभका लागि “ॐ रोहिणीपुत्राय नमः” ८ पटक जाप।

♐ धनु (ये, यो, भ, भि, भु, ध, फा, ढ, भे) एक्लोपन हटाउने दिन उमेर वा हैसियतले सम्पन्न व्यक्ति जीवनमा प्रवेश गर्न सक्छन्। धनप्राप्तिको राम्रो योग छ, तर देखासिकीका लागि अनावश्यक खर्च पनि बढ्न सक्छ।आवश्यक पर्दा ठूला व्यक्तिबाट सहयोग प्राप्त हुनेछ। भाग्यबल: १००%, शुभ अंक: २, शुभ रङ: सेतो/उज्यालो, दिशा: दक्षिण। आज “ॐ सिद्धिलक्ष्म्यै नमः” ११ पटक जाप उत्तम।

♑ मकर (भो, ज, जि, खि, खु, खे, खो, गा, गि) आपत विपत बिना काम अगाडि बढ्ने उत्कृष्ट दिन। आत्मविश्वास मजबुत रहनेछ। नयाँ ज्ञान, अनुभव र अवसर प्राप्त हुने सम्भावना प्रबल। धन, प्रतिष्ठा र मान सम्मान बढ्ने समय। भाग्यबल: ६०% शुभ अंक: १, शुभ रङ: नीलो/कालो, दिशा: पूर्व । सफल सुरुवात “ॐ छायापुत्राय नमः” २३ पटक जाप।

♒ कुम्भ (गु, गे, गो, सा, सि, सु, से, सो, द) आर्थिक पक्ष कमजोर देखिन्छ, त्यसैले खर्चमा संयम आवश्यक। अध्ययन वा करिअरबारे अस्थिरता वा मन डुलाइ बढ्न सक्छ। बाहिरबाट सामान्य देखिए पनि भित्री रूपमा धेरै कुरा मनमा चलिराखेका हुन्छन्। भाग्यबल: ००%, शुभ अंक: ३, शुभ रङ: सेतो, दिशा: उत्तर । आज “ॐ त्र्यम्बकाय नमः” २१ पटक जाप लाभदायी।

♓ मीन (दि, दु, थ, झ, ञ, दे, दो, च, चि) प्रेमसम्बन्धमा नजिकियता बढ्ने दिन। एकान्त समय रोमाञ्चले भरिनेछ। व्यापार वा काममा स्थिरता बनाइराख्नु बुद्धिमानी हुन्छ अनावश्यक परिवर्तन नगर्नुहोस्।आम्दानी बढ्ने छ, नयाँ लगानी पनि फाइदाजनक देखिन्छ। भाग्यबल: ८०%, शुभ अंक: २, शुभ रङ: सेतो, दिशा: पश्चिम आज “ॐ गङ्गाधराय नमः” २१ पटक जाप शुभ।