काठमाडौं । आज वि.सं. २०८३ साउन १ गते शुक्रबार (ई.सं. २०२६ जुलाई १७) हो। आज साउने सङ्क्रान्ति, लुतो फाल्ने दिन तथा दक्षिणायन आरम्भ हुने विशेष दिन परेको छ।आज ऋतु : ग्रिष्म, नेपाल सम्बत : ११४६ दिल्लाथ्व तृतिया, असार शुक्ल तृतिया, पञ्चाङ्ग : व्यतिपात, गर, मघा, चन्द्रमा सिंह राशिमा तथा सूर्य मिथुन राशिमा रहेका छन्।नेपालमा आज सूर्योदय बिहान ५ः२० बजे र सूर्यास्त साँझ ६ः५९ बजे हुनेछ।

शुभ साइतः

आज कुनै महत्वपूर्ण कार्यका लागि बाहिर निस्कनु पर्दा पञ्चामृत सेवन गरेर जुनसुकै दिशाको यात्रा गर्दा शुभफल प्राप्त हुने विश्वास गरिएको छ।महत्त्वपूर्ण कार्य प्रारम्भ वा शुभ यात्राका लागि बिहान ६ः२३ बजेदेखि ९ः५४ बजेसम्मको समय उत्तम मानिएको छ। (समय नेपालको राष्ट्रिय समयअनुसार)

राशिफलः

मेष (चु, चे, चो, ला, लि, लु, ले, लो, अ) गोपनीयता बाहिरिनु वा विगतका कमजोरीका कारण मानसिक तनाव बढ्न सक्छ। नयाँ ठाउँ घुम्ने इच्छा जागे पनि परिस्थिति अनुकूल नहुँदा निराशा हुन सक्छ। काममा खासै रुचि नलागे पनि अध्यात्म, रहस्य तथा अनुसन्धानतर्फ आकर्षण बढ्नेछ। आकस्मिक धनलाभको सम्भावना पनि छ।

बृष (इ, उ, ए, ओ, बा, बि, बु, बे, बो) विवादमा जित्ने क्षमता भए पनि प्रतिस्पर्धी बलिया देखिन्छन्। सोचेर बोलेमा लाभ हुनेछ। मेहनतको उचित प्रतिफल प्राप्त हुनेछ। हतार र चिन्ताले काम बिगार्न सक्छ, त्यसैले धैर्य अपनाउनु राम्रो हुनेछ।

मिथुन (का, कि, कु, घ, ङ, छ, के, को, ह) शिक्षा, अध्ययन र सीप प्रदर्शनबाट सफलता मिल्ने दिन छ। गुरु तथा वरिष्ठको साथले आत्मविश्वास बढ्नेछ। भावनामा नियन्त्रण राख्दै बुद्धिको प्रयोग गरे आर्थिक लाभ प्राप्त हुनेछ। तालिम वा अध्ययनको अवसर पनि मिल्न सक्छ।

कर्कट (हि, हु, हे, हो, डा, डि, डु, डे, डो) सरल व्यवहारले सफलता दिलाउने दिन हो। महत्त्वपूर्ण निर्णय लिन अनुकूल समय रहेको छ। पारिवारिक जिम्मेवारीसँगै जीवनसाथीसँग समय बिताउने अवसर मिल्नेछ। घुमघाम र मनोरञ्जनको योग पनि रहेको छ।

सिंह (मा, मि, मु, मे, मो, टा, टि, टु, टे) परिवारमा सुखद वातावरण रहनेछ। साथीभाइसँग भेटघाट र नयाँ योजना बन्नेछ। भ्रमण, खेलकुद तथा स्वास्थ्यप्रति रुचि बढ्नेछ। प्रतिष्ठा र करियर उकास्ने अवसर प्राप्त हुनेछ।

कन्या (टो, प, पि, पु, ष, ण, ठ, पे, पो) कला, अभिव्यक्ति र मनोरञ्जन क्षेत्रमा सफलता मिल्नेछ। आम्दानीका स्रोत बढ्ने सम्भावना छ। बोलीको प्रभावले धेरैलाई आकर्षित गर्न सकिनेछ। दोहोरिएको कामबाट पनि राम्रो प्रतिफल प्राप्त हुनेछ।

तुला (र, रि, रु, रे, रो, ता, ति, तु, ते) इच्छा पूरा हुने सम्भावना छ। प्रतिष्ठित व्यक्तिसँग भेटघाट हुनेछ। व्यापार तथा कारोबारमा प्रगति हुनेछ। हिसाबकिताब मिलाएर अघि बढे थप लाभ मिल्नेछ। जीवनसाथीसँग सानो यात्राको योग बनेको छ।

बृश्चिक (तो, ना, नि, नु, ने, नो, या, यि, यु) नयाँ सम्झौता वा करारबाट आर्थिक लाभ मिल्नेछ। पारिवारिक सुख बढ्नेछ। करियर र व्यवसायमा प्रगति हुनेछ। उच्च शिक्षामा अध्ययनरत व्यक्तिले भविष्यका अवसरबारे जानकारी प्राप्त गर्नेछन्।

धनु (ये, यो, भ, भि, भु, ध, फा, ढ, भे) नयाँ काम सुरु गर्न अनुकूल समय छ। बोनस वा अतिरिक्त आम्दानी प्राप्त हुन सक्छ। प्रेम सम्बन्ध सुदृढ बन्नेछ। आकस्मिक लाभको सम्भावना रहेको छ। परिवारका सदस्यहरूको चाहना पूरा गर्न खर्च हुन सक्छ।

मकर (भो, ज, जि, खि, खु, खे, खो, गा, गि) आर्थिक पक्ष केही कमजोर देखिन्छ। महत्त्वाकांक्षा घटाएर यथार्थमा काम गर्नु राम्रो हुनेछ। पुराना समस्या समाधान गर्न समय खर्चिनुपर्नेछ। जिम्मेवारीप्रति सचेत रहनु आवश्यक छ। साँझतिर मन केही भावुक हुन सक्छ।

कुम्भ (गु, गे, गो, सा, सि, सु, से, सो, द) नेटवर्किङ र सामाजिक सम्बन्धबाट लाभ हुनेछ। सम्पत्तिमा लगानी गर्ने सोच बनाउन सकिनेछ। सामाजिक तथा धार्मिक कार्यक्रममा सहभागी हुने अवसर मिल्नेछ। ज्ञान र अनुभव बढ्ने दिन छ।

मीन (दि, दु, थ, झ, ञ, दे, दो, च, चि) विश्वास गरेका व्यक्तिबाट गोपनीयता भङ्ग हुन सक्ने भएकाले सावधानी अपनाउनुहोस्। परिवारमा नयाँ सदस्य वा अतिथिको आगमन हुन सक्छ। मिहिनेतले लक्ष्य नजिक पुर्‍याउनेछ। आर्थिक अवस्था भने सन्तुलित रहनेछ।