आजको पञ्चाङ्गः  २०८२ साउन १२ गते, साेमवार ई.सं. २०२५ जुलाई २८ | नेपाल संवत ११४५ गुंलाथ्वा चतुर्थी , नाम संवत्सर: सिद्धार्थि, ऋतु: वर्षा, पक्ष/तिथि: शुक्ल, पक्ष चतुर्थी,चन्द्र स्थिति: कर्कट राशिमा,नक्षत्र: पूर्व,योग: बरियानकरण: वणिज सूर्य स्थिति: कर्कट राशिमा ।   सूर्योदय: बिहान ५:२३ बजे सूर्यास्त: साँझ ६:५६ बजे

आजको विशेष सुझाव:यदि तपाईंलाई कुनै महत्वपूर्ण कार्यमा निस्कनु छ भने, बदामको सातु खाएर निस्कनु शुभ मानिन्छ। जुनसुकै दिशामा यात्रा गरे पनि सफलता मिल्ने विश्वास छ।

आजको शुभ समय: बिहान ६:११ बजे देखि ८:५९ बजे सम्म (शुभ कार्य, यात्राको शुरुवात वा लगानीका लागि लाभदायक समय) स्थानअनुसार समय, तिथि र नक्षत्रमा केही अन्तर हुन सक्ने भएकाले स्थानीय पञ्चाङ्गअनुसार पनि हेर्नु उपयुक्त हुन्छ।

आजको राशिफलः

मेष (चु, चे, चो, ला, लि, लु, ले, लो, अ)
नयाँ मान्छे भेट्दा पुराना सम्झना आउनेछ। स्वास्थ्य र शिक्षामा सुधार देखिनेछ। वैदेशिक रोजगारी वा लगानीबाट लाभ मिल्ने सम्भावना छ। आजको शुभ रंग रातो हो भने शुभ अंक ५ रहेको छ।

वृष (इ, उ, ए, ओ, बा, बि, बु, बे, बो)
आम्दानी राम्रो भए पनि स्वास्थ्यले केही सताउन सक्छ। पारिवारिक सम्बन्ध सुमधुर हुनेछ। खर्चमा ध्यान दिनुहोला। आजको शुभ रंग पहेंलो हो भने शुभ अंक २ रहेको छ।

मिथुन (का, कि, कु, घ, ङ, छ, के, को, ह)
बोल्ने क्रममा सावधानी अपनाउनुहोस्। लगानीमा घाटा हुन सक्छ। शिक्षा र स्वास्थ्यमा सुधार आउनेछ। आजको शुभ रंग हरियो हो भने शुभ अंक ३ रहेको छ।

कर्कट (हि, हु, हे, हो, डा, डि, डु, डे, डो)
धन लाभका संकेत छन्। राजनीतिक वा रोजगार क्षेत्रबाट राम्रो समाचार आउन सक्छ। पारिवारिक वातावरण सुखद रहनेछ। आजको शुभ रंग सेतो हो भने शुभ अंक १ रहेको छ।

सिंह (मा, मि, मु, मे, मो, टा, टि, टु, टे)
विदेशतर्फको प्रयास सफल बन्नेछ। गोप्य कुराहरू गोप्य राख्दा नै लाभ हुनेछ। सामाजिक सञ्जालमा सजग रहनुहोला। आजको शुभ रंग सुन्तला हो भने शुभ अंक ६ रहेको छ।

कन्या (टो, पा, पि, पु, ष, ण, ठ, पे, पो)
खर्च बढ्ने सम्भावना छ, तर शिक्षा, स्वास्थ्य र सम्मानमा वृद्धि हुनेछ। राजनीति वा सामाजिक क्षेत्रमा सफलता मिल्नेछ। आजको शुभ रंग खैरो हो भने शुभ अंक ८ रहेको छ।

तुला (रा, रि, रु, रे, रो, ता, ति, तु, ते)
प्रतिभा देखाउने राम्रो समय हो। घुमफिरको अवसर मिल्नेछ। पढाइमा अल्छी लाग्न सक्छ। लगानीमा सोचविचार गरी अघि बढ्नुहोस्। आजको शुभ रंग निलो हो भने शुभ अंक ४ रहेको छ।

वृश्चिक (तो, ना, नि, नु, ने, नो, या, यि, यु)
संघर्षले सफलता दिलाउनेछ। भेटघाटबाट बुद्धिको विकास हुनेछ। वैवाहिक सम्बन्धमा सन्तुलन आवश्यक छ। आजको शुभ रंग गुलाबी हो भने शुभ अंक ९ रहेको छ।

धनु (ये, यो, भा, भि, भु, ध, फा, ढ, भे)
स्वास्थ्य र पढाइमा सुधार हुनेछ। पारिवारिक साथ मिल्नेछ। नयाँ निर्णयमा धैर्य अपनाउनुहोस्। आजको शुभ रंग पहेंलो हो भने शुभ अंक ७ रहेको छ।

मकर (भो, ज, जि, खि, खु, खे, खो, ग, गि)
धेरै नबोल्नु राम्रो हुनेछ। काममा सतर्कता अपनाउनुहोस्। शत्रु सक्रिय हुन सक्छन्। परिवारसँगको सम्बन्धमा सन्तुलन राख्नुहोस्। आजको शुभ रंग खरानी हो भने शुभ अंक ६ रहेको छ।

कुम्भ (गु, गे, गो, सा, सि, सु, से, सो, द)
यात्राको सम्भावना देखिन्छ, तर खर्च उच्च हुन सक्छ। धार्मिक कार्यबाट मन शान्त हुनेछ। आजको शुभ रंग बैजनी हो भने शुभ अंक ३ रहेको छ।

मीन (दि, दु, थ, झ, ञ, दे, दो, च, चि)
मानसिक तनाव र स्वास्थ्यमा समस्या देखिन सक्छ। ध्यान, साधनाबाट राहत मिल्नेछ। प्रेमसम्बन्धमा सन्तुलन रहनेछ। आजको शुभ रंग कालो हो भने शुभ अंक ५ रहेको छ।