आजको पञ्चाङ्गः

वि.सं. २०८२ साल आश्विन १७ गते शुक्रबार । ईश्वी सन् २०२५ अक्टोबर ३ तारिख । नेपाल संवत् ११४५ । सिद्धार्थी संवत्सर । दक्षिणायनं । शरद ऋतु । श्रीशाके १९४७ । आष्विन शुक्लपक्ष । तिथि – एकादशी, दिउँसो २ बजेर ४३ मिनेट उप्रान्त द्वादशी । नक्षत्र – श्रवण, बिहान ६ बजेर ५९ मिनेट उप्रान्त धनिष्ठा । योग – धृती, बेलुकी ८ बजेर ३९ मिनेट उप्रान्त शूल । करण – भद्रा, दिउँसो २ बजेर ४३ मिनेट उप्रान्त बव, रातको २ बजेर २६ मिनेट उप्रान्त बालव । आनन्दादि–धूम्र योग । चन्द्रराशि – मकर ।

काठमाडौँमा सूर्योदय बिहान ०५ बजेर ५८ मिनेट । सूर्यास्त बेलुकी ५ बजेर ४६ मिनेट । दिनमान २९ घडी ३१ पला ।

आजको राशिफलः

♈ मेष (चु, चे, चो, ला, लि, लु, ले, लो, अ)

परिश्रमको उचित मूल्यांकन हुनेछ। नयाँ कार्य सुरु गर्न अनुकूल समय छ। खर्च बढ्न सक्छ, स्वास्थ्यमा ध्यान दिनुहोला।

♉ वृष (इ, उ, ए, ओ, वा, वि, वु, वे, वो)

आर्थिक लाभको सम्भावना छ। पारिवारिक सहयोग मिल्नेछ। सामाजिक क्षेत्रमा प्रतिष्ठा बढ्ने दिन।

♊ मिथुन (का, कि, कु, घ, ङ, छ, के, को, हा)

यात्रा वा कामको सिलसिलामा व्यस्त रहनु पर्छ। निर्णय गर्दा धैर्य अपनाउनुहोला। नयाँ अवसर आउन सक्छ।

♋ कर्कट (हि, हु, हे, हो, डा, डि, डु, डे, डो)

आफ्नो सीप र बुद्धिले फाइदा दिलाउनेछ। अध्ययन, प्रतिस्पर्धा वा व्यवसायमा प्रगति देखिन्छ। केही खर्च पनि हुनसक्छ।

♌ सिंह (मा, मि, मु, मे, मो, टा, टि, टु, टे)

परिवारमा खुसीमय वातावरण रहनेछ। मान–सम्मान बढ्ने समय छ। काममा सफलता प्राप्त हुन सक्छ।

♍ कन्या (टो, पा, पि, पु, ष, ण, ठ, पे, पो)

स्वास्थ्यमा ध्यान दिनुहोस्। आर्थिक पक्षमा सामान्य उतारचढाव रहन सक्छ। मिहिनेतको फल पछाडि पाइनेछ।

♎ तुला (रा, रि, रु, रे, रो, ता, ति, तु, ते)

धन, सम्पर्क र अवसरका हिसाबले राम्रो दिन। प्रेम वा परिवारसँग समय बिताउन पाइनेछ। पुरानो काममा फाइदा देखिन्छ।

♏ वृश्चिक (तो, ना, नि, नु, ने, नो, या, यि, यु)

कार्यक्षेत्रमा चुनौती आउन सक्छ तर धैर्य राखे सफलता सम्भव छ। आफ्ना कुरा स्पष्ट रुपमा राख्नुहोला।

♐ धनु (ये, यो, भा, भि, भु, ध, फा, ढा, भे)

विद्या, लेखन वा सृजनात्मक क्षेत्रमा प्रगति हुने संकेत। साथी वा आफन्तबाट सहयोग मिल्नेछ।

♑ मकर (भो, जा, जि, खि, खु, खे, खो, गा, गि)

आर्थिक पक्ष सबल हुनुका साथै जमानी काम बन्नेछ। नयाँ कामको योजना बनाउन सहयोगी समय।

♒ कुम्भ (गु, गे, गो, सा, सि, सु, से, सो, दा)

पुराना प्रयासको प्रतिफल आउन सक्छ। नयाँ ठाउँ वा मान्छेसँग सहकार्य बढ्नेछ। पारिवारिक समन्वय आवश्यक।

♓ मीन (दि, दु, थ, झ, ञ, दे, दो, चा, चि)

ध्यान, आध्यात्मिकता वा रचनात्मक काममा रुचि बढ्नेछ। आयस्रोतमा सुधारको सम्भावना।